ཞ་བོ་ཞིག་གི་སྐད་ཆ།
1 དེ་ནས་ཡེ་ཤུ་གཉིས་པར་གྲུ་ལ་ཞུགས་ཏེ་རང་སྡོད་ས་ཀྰ་ཕར་ན་ཧུམ་གྲོང་ཁྱེར་ལ་ལོག་འོང་ཟིན། 2 དེ་ནས་འོ་ལ་མི་ཡ་གིས་ཞ་བོ་ཞིག་ལ་(གཟུགས་པོ་སྒུལ་མི་ཁུག་མཁན་གྱི་མི་གཅིག་ལ་)སྟན་བཅས་པ་རང་(ཁྱོགས་མཉམ་པོ་རང་)ཁུར་ཏེ་ཡེ་ཤུའི་རྩར་ལ་འཁྱེར་ཟིན། དེ་ནས་ཡེ་ཤུས་ཁོང་གི་འདི་ཅོག་འདྲའི་མོས་པ་བྱས་པ་དེ་(ཡིད་ཆེས་བྱས་པ་དེ་)མཐོང་སྟེ་ནད་པ་ལ། བུ་ཁྱོད་བློ་ཕམ་མ་བྱེད། (བུ་ཁྱོད་བློ་མ་འཕམ།) ཁྱོད་ཀྱི་ངོ་ལོག་འདག་ཟིན། སྨྲས་ཏེ། 3 ཡེ་ཤུས་སྨྲས་པའི་འདི་སྐད་ཆ་ཐོས་ཏེ་བཀའ་ཁྲིམས་ཀྱི་དགེ་རྒན་རེ་འགའ་ཡིས་སེམས་སེམས་ལ་རང་འདི་ཅོག་འདྲ་སྨྲས་ཏེ་བསམ་བློ་གཏོང་ཟིན། འདི་མིས་ནི་ཨལ་ལོ་ཧིམ་ལ་ག་སྐུར་པ་འདེབས་ཀོ་ནུག ༼ཅི་ལས་སྨྲ་ན། ཨལ་ལོ་ཧིམ་གྱིས་མིན་པ་སུ་གཞན་པ་ཞིག་གིས་ཀྱང་མི་ཡ་གིས་བྱས་པའི་ངོ་ལོག་འདག་འཇུག་མི་ཁུག་མཁན་སྨྲ་མཁན་དེ་འོ་ཡ་ཧུ་དྰ་པའི་དགེ་རྒན་ཡ་ལ་རྒྱུས་ཡོད་རང་ཡོད་མཁན། དེ་ནས་མི་ལ་དྲག་འཇུག་མཁན་དེ་ནི་ཨལ་ལོ་ཧིམ་རང་ཡིན་པ་སྨྲ་མཁན་དེ་ཡང་ཤེས་ཏེ་ཡོད་མཁན།༽ 4 དེ་ནས་ཁོང་གི་སེམས་ཀྱི་སྐད་ཆ་ངོ་ཤེས་ཏེ་ཡེ་ཤུས། ཅི་ལས་ཁྱེད་ཀྱི་སེམས་ལ་འདི་ཅོག་འདྲའི་བསམ་བློ་ངན་པ་གཏོང་མཁན། 5 འདི་ཞ་བོ་ལ། ཁྱོད་ཀྱི་ངོ་ལོག་འདག་ཟིན། སྨྲ་མཁན་དང་། ལངས་ཏེ་སོང་། སྨྲ་མཁན། འདི་སྐད་ཆ་གཉིས་ལ་བྱས་ཏེ་འདོན་ཅེས་ལ་(འདོན་པ་ལ་)གང་དྲ་ལྷོད་བདེ་མོ་འོང་འགྲོ། 6 ལྟོས་ཨ། མིའི་བུ་ལ་འདི་འཛམ་བུ་གླིང་ལ་ངོ་ལོག་འདག་འཇུག་མཁན་གྱི་དབང་ཐོབ་པ་སྨྲ་མཁན་དེ་ངེས་ཀྱིས་ཁྱེད་ལ་བྱས་ཏེ་སྟོན་མཁན། སྨྲས་ཏེ། ཡེ་ཤུས། དེ་ནས་འོ་ནད་པ་ལ། ལང་དོང་། སྟན་ཁྱེར་ཏེ་ཁྱིམ་ལ་སོང་། སྨྲས་ཏེ་སྨྲ་ལོང་མེད་པ་རང་ (སྨྲས་ཏེ་སྨྲ་ལོང་མེད་པ་དང་རང་) 7 འོ་ནད་པ་ལམ་སང་ལངས་ཏེ་ཁྱིམ་ལ་ལོག་འགྲོ་ཟིན།
8 འདི་ཅོག་འདྲ་བྱས་ཏེ་དྲག་མཁན་མཐོང་བས་མི་ཡ་ཧ་ལས་ཟིན། (ངོ་མཚར་སྐྱེ་ཟིན།) འཇིགས་ཀྱང་འཇིགས་ཟིན། ཨལ་ལོ་ཧིམ་གྱིས་མི་ཡ་ལ་འདི་ཙམ་ཆེན་མོའི་དབང་ཆ་བསྟེར་བ་སོང་བས་ཁོང་གིས་ཨལ་ལོ་ཧིམ་ལ་བསྟོད་སྒྲ་འབུལ་ཟིན།།
ཡེ་ཤུས་མད་ཐྰ་སྨྲ་མཁན་གྱི་མི་ལ་རང་གི་ཉེ་གནས་(སློབ་མ་)བཟོས་པ།
9 ཡེ་ཤུ་འོ་ལས་འགྲོ་བ་དང་(འགྲོ་བ་ལ་ ། འགྲོ་མཁན་སྒང་ལ་)མད་ཐྰ་སྨྲ་མཁན་གྱི་མི་གཅིག་ལ་ཤོ་གམ་སྡུད་མཁན་གྱི་འདུ་ས་ལ་བསྡད་པ་མཐོང་ཟིན། ཁོ་ཤོ་གམ་སྡུད་མཁན་གྱི་མི་ཡིན་མཁན། དེ་ནས་ཡེ་ཤུས་ཁོ་ལ། ངའི་རྗེས་འབྲངས་ཏེ་ཤོག སྨྲས་ཏེ། དེ་ནས་མད་ཐྰ་ལངས་ཏེ་ཡེ་ཤུའི་རྗེས་འབྲངས་ཏེ་འོང་ཟིན།།
10 རྗེས་ལ་ཡེ་ཤུ་མད་ཐྰའི་ཁྱིམ་ལ་ཉེ་གནས་ཡ་མཉམ་པོ་(སློབ་མ་ཡ་མཉམ་པོ་)མགྲོན་པོ་ལ་འོང་ཟིན། ཤོ་གམ་སྡུད་མཁན་དང་ངོ་ལོག་པ་གཞན་པ་མང་མོ་ཡང་འོངས་ཏེ་ཁོང་མཉམ་པོ་བསྡད་དེ་ཟ་ཟིན། 11 དེ་ནས་༼བཀའ་ཁྲིམས་ཚ་འདེ་བྱས་ཏེ་སློབ་མཁན་གྱི་༽ཕ་རུ་ཤི་པ་ཡ་གིས་ཡེ་ཤུ་འདི་ཅོག་འདྲའི་ངོ་ལོག་པ་མཉམ་པོ་བསྡད་དེ་ཟ་མཁན་མཐོང་མཐོང་བ་ལ་(མཐོང་སྟེ་འགབ་ལས་)ཡེ་ཤུའི་ཉེ་གནས་ཡ་ལ། (སློབ་མ་ཡ་ལ།) ཅི་ལས་ཁྱེད་ཀྱི་དགེ་རྒན་ནི་ཤོ་གམ་སྡུད་མཁན་དང་ངོ་ལོག་པ་གཞན་པ་མཉམ་པོ་ཡང་ལྟོ་ཟ་མཁན། སྨྲས་ཏེ། 12 ཁོང་གི་སྐད་ཆ་ཐོས་ཏེ་ཡེ་ཤུས། ཐང་པོའི་མི་ལ་མིན་པ། ནད་པའི་མི་ལ་ཨམ་ཆི་དགོས་མཁན། 13 ཨལ་ལོ་ཧིམ་གྱིས་སྨྲས་པའི་འདི་སྐད་ཆའི་དོན་དག་ངོ་ཤེས་ཅེས་འཚོལ་དོང་།
ཤ། ཁྲག་དང་རུས་པ་ང་ལ་མི་དགོས།།
ཁྱེད་ཀྱིས་མི་ལ་སྙིང་རྗེ་བྱས་པ་དེ་ངས་ཀྱིས་མཐོང་མྱོང་དགོས་མཁན།།
སྨྲས་ཏེ་ཨལ་ལོ་ཧིམ་གྱིས་སྨྲས་པའི་སྐད་ཆའི་དོན་དག་ངོ་ཤེས་ཅེས་འཚོལ་དོང་། ང་ཆོས་དྲང་པོ་ཡིན། སྨྲས་ཏེ་སྨྲ་མཁན་གྱི་མི་ལ་མིན་པ། ང་ནི་ངོ་ལོག་པ་ཡིན་པ། སྨྲས་ཏེ་སྨྲ་མཁན་ཡ་ལ། འགྱོད་པ་སྐྱེས་ཏེ་ངོ་ལོག་སྤངས་ཏེ་ངའི་རྩར་ལ་ཤོག སྨྲས་ཏེ་སྐད་རྒྱབ་ཅེས་ལ་(སྐད་རྒྱབ་པ་ལ་)འོངས་པ་ཡིན་པ། སྨྲས་ཏེ། ཡེ་ཤུས།།
སྨྱུང་གནས་སྡོད་མཁན་གྱི་སྐོར་ལ་དྲིས་པ། (ཁོག་པ་སྡོད་མཁན་གྱི་སྐོར་ལ་དྲིས་པ།)
14 དེ་ནས་ཁྲུས་དབང་སྟེར་མཁན་གྱི་ཡུ་ཧ་ནན་གྱི་རྗེས་འབྲང་ཡ་(སློབ་མ་ཡ་)ཡེ་ཤུའི་རྩར་ལ་འོངས་ཏེ་ཡེ་ཤུ་ལ། ངེད་དང་ཕ་རུ་ཤི་པ་ཡ་གི་རྗེས་འབྲང་ཡ་(སློབ་མ་ཡ་)སྨྱུང་གནས་སྡོད་མཁན། ཡིན་ནས་ཁྱོད་ཀྱི་ཉེ་གནས་ཡ་ནི་(སློབ་མ་ཡ་ནི་)ནམ་ཡང་སྨྱུང་གནས་མི་སྡོད་པས། ཅི་ལས་ཡིན་འགྲོ་ལགས། སྨྲས་ཏེ། 15 དེ་ནས་ཡེ་ཤུས། བག་མ་ལ་འོངས་པའི་མགྲོན་པོ་ཡ་གིས་མག་པ་གསར་པ་མཉམ་པོ་སྡོད་པ་དང་(སྡོད་པ་ལ་ ། སྡོད་མཁན་སྒང་ལ་)ནམ་ཡང་སྡུག་བསྔལ་བྱས་ཏེ་སྨྱུང་གནས་སྡོད་མཁན་ནམ། ཡིན་ནས་འདི་ཅོག་འདྲའི་དུས་ཚོད་ཅིག་ཀྱང་འོང་ཅེས་ནུག འོའི་རྗེས་ལ་མི་ཡ་གིས་མག་པ་གསར་པ་ལ་བཟུང་སྟེ་འཁྱེར་ཅེས་ནུག དེ་ནས་ག་ཁོང་སྨྱུང་གནས་སྡོད་ཅེས་ནུག །
16 གཉིས་པར། སུས་ཀྱང་བཀབ་ཆ་གསར་པའི་ལྷན་པ་བཀབ་ཆ་རྙིང་པ་ལ་མི་རྒྱབ་མཁན། གལ་སྲིད་རྒྱབ་ན་(གལ་སྲིད་རྒྱབ་ཟིན་ན་)བཀབ་ཆ་རྙིང་པ་བཟད་མེད་པ་སོང་བས་ད་རུང་ཨི་ཁུང་ཆེན་མོ་འགྲོ་མཁན། (བཀབ་ཆ་གསར་པའི་ལྷན་པ་འཁུམ་མེད་པ་སོང་བས་བཀབ་ཆ་རྙིང་པ་ལས་རལ་འགྲོ་མཁན། དེ་ནས་ཨི་ཁུང་ཆེན་མོ་འོང་མཁན།) 17 འདི་ཅོག་འདྲ་ཡང་། རྒུན་འབྲུམ་གྱི་ཆང་གསར་པ་ཀོ་བའི་རྐྱལ་པ་རྙིང་པ་ལ་མི་བླུག་མཁན། གལ་སྲིད་བླུག་ན་ནི་(གལ་སྲིད་བླུག་ཟིན་ན་ནི་)རྐྱལ་པ་ཕོང་སྟེ་རྒུན་འབྲུམ་གྱི་ཆང་ཡང་འབོ་མཁན། འོ་སོང་བས་རྒུན་ཆང་གསར་པ་དེ་ནི་རྐྱལ་པ་གསར་པ་ལ་བླུག་མཁན། དེ་ནས་གཉིས་ཀ་འཕྲོག་བརླག་མི་འགྲོ་མཁན། སྨྲས་ཏེ་ཡེ་ཤུས་འདི་སྐད་ཆ་ཡ་དཔེ་བཞག་སྟེ་སློབ་ཟིན།།
ནད་པའི་བུད་མེད་གཅིག་དྲག་པ་དང་ཤི་བའི་བུ་མོ་གཅིག་གསོན་པོར་ལངས་པ།
18 ཡེ་ཤུས་འདི་སྐད་ཆ་སྨྲས་སྡོད་པ་དང་(སྨྲ་མཁན་སྨྲ་མཁན་སྒང་ལ་རང་)ཡ་ཧུ་དྰ་པའི་ཚོགས་ཁང་གི་འགོ་པ་གཅིག་འོངས་ཏེ་ཡེ་ཤུའི་གདོང་ལ་(མདུན་ལ་)པུས་མོ་བཙུགས་ཏེ། སློབ་དཔོན་ལགས། ངའི་བུ་མོ་ད་ཅི་ཤི་སྟེ། ཡིན་ནས་ཁྱོད་འོངས་ཏེ་ངའི་བུ་མོ་ལ་རང་གི་ལག་པས་རེག་ན་མོ་གསོན་པོར་ལང་ཅེས་ནུག སྨྲས་ཏེ། 19 དེ་ནས་ཡེ་ཤུ་ལངས་ཏེ་ཁོ་མཉམ་པོ་འགྲོ་ཟིན། ཉེ་གནས་ཡ་ཡང་ཁོང་མཉམ་པོ་འགྲོ་ཟིན།།
20 ཁོང་ཡ་འགྲོ་རང་འགྲོ་བ་དང་(འགྲོ་རང་འགྲོ་མཁན་སྒང་ལ་)ཡེ་ཤུའི་རྒྱབ་ངོས་ལས་ནད་པའི་བུད་མེད་གཅིག་འོང་ཟིན། མོ་ལ་གཟུགས་པོ་ལུས་ཁྲག་མང་མོ་འཐོན་མཁན་གྱི་ན་ཚ་བརྒྱབ་སྟེ་ལོ་བཅུ་གཉིས་ཕྱིན་ཏེ་ཡོད་མཁན། (ཕྱིན་ཡོད་མཁན།) མོ་རྒྱབ་ངོས་ལས་འོངས་ཏེ་ཡེ་ཤུའི་བཀབ་ཆའི་ཟུར་གཅིག་ལ་(ལྡེབས་ཤིག་ལ་)རེག་ཟིན། 21 ཅི་ལས་སྨྲ་ན་མོ་རང་གི་སེམས་ལ་འདི་ཅོག་འདྲའི་སེམས་སྐྱེས་ཏེ་ཡོད་མཁན། ངས་ཀྱིས་དགེ་རྒན་གྱི་བཀབ་ཆའི་ཟུར་གཅིག་ལ་རེག་མྱོང་ན་(རེག་མྱོང་ཟིན་ན་)ང་དྲག་མཁན། 22 དེ་ནས་ཡེ་ཤུ་རྒྱབ་ལོག་སྟེ་མོ་ལ་མཐོང་སྟེ། བུ་མོ་ཁྱོད་བློ་ཕམ་མ་བྱེད། (བུ་མོ་ཁྱོད་བློ་མ་འཕམ།) ཁྱོད་ཀྱིས་བློ་བཀལ་བ་སོང་བས་ཁྱོད་དྲག་ཟིན། སྨྲས་ཏེ་སྨྲ་ལོང་མེད་པ་རང་(སྨྲས་ཏེ་སྨྲ་ལོང་མེད་པ་དང་རང་)མོ་དྲག་ཟིན།།
23 དེ་ནས་ཡེ་ཤུ་འོ་འགོ་པའི་ཁྱིམ་ལ་སླེབ་པ་དང་(སླེབ་མཁན་སྒང་ལ་)འོ་ལ་གཉེན་ཚན་ཉེ་བ་ཡ་(སྤུན་ཀྱག་ཡ་)འུར་སྒྲ་བསླངས་ཏེ་ངུ་སྒྲ་གཏིང་སྒྲ་བྱས་ཏེ་བསྡད་པ་ནུག་པ། གླིང་བུ་འབུད་མཁན་གྱི་མི་ཡ་ལ་ཁྲིད་དེ་གླིང་བུ་འབུད་བཅུག་པ་ནུག་པ། 24 ཁོང་ལ་མཐོང་སྟེ་ཡེ་ཤུས། ཕྱིར་སོང་། འདི་བུ་མོ་མ་ཤི་ཡོད། གཉིད་ཅིག་རང་ལོག་པ་ཡིན། སྨྲས་ཏེ། འདི་སྐད་ཆ་ཐོས་ཏེ་མི་ཡ་གད་མོ་འཆོར་ཟིན། 25 མི་ཡ་ལ་ཕྱི་ལ་བཏང་བཏང་བ་ལ་(ཕྱི་ལ་བཏང་སྟེ་འགབ་ལས་)ཡེ་ཤུ་ཁང་མིག་གི་ནང་ལ་འཇུག་ཟིན་པ་དང་ཤི་བའི་བུ་མོའི་ལག་པ་ལ་འཛིན་ཟིན། དེ་ནས་མོ་ལང་ཟིན། 26 འོའི་རྗེས་ལ་འདི་སྐད་ཆ་འོ་ལུང་པ་ལ་ག་ན་ག་ན་འགྲེམ་ཟིན།།
མིག་མི་མཐོང་མཁན་གྱི་མི་གཉིས་(ལོང་བ་གཉིས་)དང་གླེན་པ་གཅིག་ལ་(མི་ཧན་ལྡང་གཅིག་ལ་)དྲག་བཅུག་པ།
27 ཡེ་ཤུ་འོ་ས་ཆ་ལ་དབྱུགས་བཞག་སྟེ་འགྲོ་བ་དང་(འགྲོ་མཁན་སྒང་ལ་)མིག་མི་མཐོང་མཁན་གྱི་མི་སྣ་གཉིས་(ལོང་བ་གཉིས་)ཡེ་ཤུའི་འགབ་ལས་འོངས་ཏེ་(ཡེ་ཤུའི་རྗེས་ལ་འབྲངས་ཏེ་)སྐད་བཏོན་ཏེ། ཨོ་ད་བིད་བརྒྱུད་པའི་སྲས་པོ། ངེད་ལ་སྙིང་རྗེ་བྱེད་ཏོང་། སྨྲས་ཏེ། 28 ཡེ་ཤུ་ཁྱིམ་གྱི་ནང་ལ་འོངས་འོངས་པ་ལ་(འོངས་ཏེ་འགབ་ལས་)འོ་མིག་མི་མཐོང་མཁན་གྱི་མི་གཉིས་ཀྱང་ནང་ལ་འཇུག་འོང་ཟིན། དེ་ནས་ཡེ་ཤུས། ཁྱེད་ལ་ངས་ཀྱིས་དྲག་འཇུག་ཁུག་མཁན་སྨྲ་མཁན་དེ་ཁྱེད་ཀྱིས་བློ་འགེལ་མཁན་ནམ། (ཡིད་ཆེས་བྱེད་མཁན་ནམ།) སྨྲས་ཏེ། བློ་འགེལ་མཁན་དཔོན་པོ། སྨྲས་ཏེ། ཁོང་གཉིས་ཀྱིས། 29 དེ་ནས་ཡེ་ཤུས་ཁོང་གཉིས་ཀྱི་མིག་ལ་རེག་སྟེ། ཁྱེད་ཀྱིས་བློ་བཀལ་བ་ཅོག་འདྲ་རང་འོང་ཆུག སྨྲས་ཏེ་སྨྲ་བ་དང་ནི་ (སྨྲས་ཏེ་སྨྲ་མཁན་སྒང་ལ་ནི་) 30 ཁོང་གཉིས་ཀྱི་མིག་མཐོང་མཁན་འགྲོ་ཟིན། དེ་ནས་ཡེ་ཤུས། འདི་སྐད་ཆ་སུ་ལ་ཡང་ངོ་ཤེས་མ་འཇུག སྨྲས་ཏེ། 31 ཡིན་ནས་ཁོང་གཉིས་ཀྱིས་ནི་འོ་ལས་ཐོན་ཏེ་འགྲོ་ཟིན་པ་དང་ཡེ་ཤུས་བྱས་པའི་ལས་ཀའི་སྐོར་ལ་མི་ཡ་ལ་བཤད་དེ་འགྲོ་ཟིན།།
32 ཁོང་གཉིས་ཕྱིན་ཕྱིན་པ་ལ་(ཕྱིན་ཏེ་འགབ་ལས་)མི་ཡ་གིས་འདྲེ་ཞུགས་ཏེ་གླེན་པ་(ཧན་ལྡང་)ཕྱིན་པའི་མི་གཅིག་ལ་ཡེ་ཤུའི་རྩར་ལ་འཁྲིད་ཟིན། 33 ཡེ་ཤུས་འོ་འདྲེ་ལ་ཕུད་ལོང་མེད་པ་རང་(ཕུད་ལོང་མེད་པ་དང་རང་)འོ་མིས་སྐད་ཆ་སྨྲ་ཁུག་མཁན་འགྲོ་ཟིན། དེ་ནས་མི་ཡ་ཧ་ལས་ཏེ། (ངོ་མཚར་སྐྱེས་ཏེ།) འདི་ཅོག་འདྲའི་ལས་ཀ་བྱེད་མཁན་དེ་འོ་རང་གིས་ད་ལྟ་ཐུག་ཡེས་ར་ཨལ་ལུང་པ་ལ་ནམ་ཡང་མ་མཐོང་། སྨྲས་ཏེ། མི་ཡ་གིས། 34 ཡིན་ནས་ཕ་རུ་ཤི་པ་ཡ་གིས་ནི། འདྲེའི་རྒྱལ་པོས་ཀྱིས་ཁོ་ལ་འདྲེ་ཡ་ལ་ཕུད་མཁན་གྱི་དབང་བསྟེར་བ་ནུག་པ། སྨྲས་ཏེ།།
ཡེ་ཤུས་མི་མི་མང་ཡ་ལ་(མི་བུངས་ཤིག་ཡ་ལ་)སྙིང་རྗེ་བྱས་པ།
35 ཡེ་ཤུ་གྲོང་ཁྱེར་ཡ་དང་ཡུལ་གྲུ་ཡ་ལ་སྐོར་བ་བརྒྱབ་སྟེ་ཡ་ཧུ་དྰ་པའི་ཚོགས་ཁང་ཡ་ལ་ཕྱིན་ཏེ་ཨལ་ལོ་ཧིམ་གྱི་རྒྱལ་སྲིད་ཀྱི་ལོན་བཟང་ཤོད་ཀོ་ཡོད་མཁན། དེ་ནས་མི་ཡ་དེ་སྣ་མང་སྣ་ཚོགས་ཀྱི་ན་ཚ་ཡ་དང་ནད་པ་ཡ་ལ་དྲག་འཇུག་འོ་ཡོད་མཁན། 36 མི་མི་མང་ལ་མཐོང་བ་དང་(མཐོང་མཁན་སྒང་ལ་)ཡེ་ཤུའི་སེམས་ལ་སྙིང་རྗེ་སྐྱེ་འོ་ཡོད་མཁན། ཅི་ལས་སྨྲ་ན། འོ་མི་ཡ་རྫི་བོ་མེད་པའི་ལུག་ཡ་ཅོག་འདྲ་རང་འཁྱམ་ཕྱིན་ཏེ་ལུས་ཏེ་ཡོད་མཁན། 37 དེ་ནས་ཡེ་ཤུས་རང་གི་ཉེ་གནས་ཡ་ལ། མཛོད་ལ་འཁྱེར་དགོས་མཁན་གྱི་འབྲུ་ཡ་ནི་ཞིང་ལ་མང་མོ་ཡོད་པ། ཡིན་ནས་འབྲུ་བསྡུས་ཏེ་ནང་ལ་འཁྱེར་མཁན་གྱི་མི་ནི་མང་མོ་མེད། 38 འོ་སོང་བས་འབྲུ་ཡ་གི་བདག་པོ་ལ། འབྲུ་ནང་ལ་འཁྱེར་མཁན་གྱི་ལས་མི་ཡ་ལ་གཏོང་དོང་། སྨྲས་ཏེ་གསོལ་བ་འདེབས་ཏོང་། སྨྲས་ཏེ།། །།
