མཛེ་ན་ཚ་རྒྱབ་མཁན་གྱི་མི་གཅིག་ལ་དྲག་བཅུག་པ། (མཛེ་པོ་གཅིག་ལ་འདྲུབས་པ།)
1 ཡེ་ཤུ་རི་ལས་མར་འབབ་པ་དང་(མར་འབབ་མཁན་སྒང་ལ་)མི་བུངས་ཆེན་མོ་ཞིག་(མི་མི་མང་)ཡེ་ཤུའི་རྗེས་འབྲངས་ཏེ་འོང་ཟིན། 2 དེ་ནས་མཛེ་པོ་གཅིག་འོངས་ཏེ་ཡེ་ཤུའི་གདོང་ལ་(མདུན་ལ་)པུས་མོ་བཙུགས་ཏེ། དཔོན་པོ་ལགས། ཁྱོད་ཀྱི་སེམས་ལ་སྐྱེས་ཏེ་ཡོད་ན་ང་ལ་དྲག་འཇུག་ཁུག་མཁན། སྨྲས་ཏེ། 3 དེ་ནས་ཡེ་ཤུས་ཁོ་ལ་ལག་པས་རེག་སྟེ། ཁྱོད་ལ་དྲག་འཇུག་སྨྲས་ཏེ་ངའི་སེམས་ལ་སྐྱེས་ཏེ་ཡོད་པ། ཁྱོད་ཀྱི་སེམས་ལ་སྐྱེ་མཁན་དེ་འོང་ཆུག སྨྲས་ཏེ་སྨྲ་ལོང་མེད་པ་རང་འོ་མི་དྲག་ཟིན། 4 དེ་ནས་ཡེ་ཤུས་ཁོ་ལ། འདི་སྐད་ཆ་སུ་ལ་མ་ཤོད། ཡིན་ནས། མཆོད་པ་འབུལ་མཁན་གྱི་ལེ་ཝིའི་རྩར་ལ་༼མཆོད་དཔོན་གྱི་རྩར་ལ་༽ཕྱིན་ཏེ་ལྟ་འཇུག་དོང་། དེ་ནས་མོ་ཤེ་ཡིས་མཛེ་དྲག་དྲག་པ་ལ་(མཛེ་དྲག་སྟེ་འགབ་ལས་)འབུལ་ཏོང་སྨྲས་ཏེ་སྨྲས་བཞག་པའི་བྱད་ལག་ཡ་འབུལ་ཏོང་། དེ་ནས་ཁྱོད་དྲག་ཟིན་ནུག་སྨྲ་མཁན་དེ་མི་ཡ་གིས་ངོ་ཤེས་ཅེས་ནུག སྨྲས་ཏེ། ཡེ་ཤུས།།
ཀྰ་ཕར་ན་ཧུམ་གྲོང་ཁྱེར་ལ་སྡོད་མཁན་གྱི་རོ་མྰ་པའི་བརྒྱ་དཔོན་གྱིས་(རོ་མྰ་པའི་བརྒྱ་ཐམ་པའི་དམག་དཔོན་གྱིས་)ཡིད་ཆེས་ཆེན་མོ་བྱས་པ།
5 ཡེ་ཤུ་ཀྰ་ཕར་ན་ཧུམ་གྲོང་ཁྱེར་ལ་སླེབ་པ་དང་(སླེབ་མཁན་སྒང་ལ་)རོ་མྰ་པའི་བརྒྱ་དཔོན་གཅིག་(རོ་མྰ་པའི་བརྒྱ་ཐམ་པའི་དམག་དཔོན་གཅིག་)འོངས་ཏེ་ཡེ་ཤུ་ལ། 6 དཔོན་པོ་ལགས། ངའི་གཡོག་པོ་ཞ་བོར་གྱུར་ཏེ་(གཟུགས་པོ་སྒུལ་མི་ཁུག་མཁན་གྱི་ན་ཚ་བརྒྱབ་སྟེ་)ཁྱིམ་ལ་ཉལ་ས་ལ་ཆུད་དེ་ཡོད་པ། སྨྲས་ཏེ། 7 དེ་ནས་ཡེ་ཤུས། ང་འོངས་ཏེ་ཁོ་ལ་དྲག་འཇུག་མཁན། སྨྲས་ཏེ། 8 དེ་ནས་བརྒྱ་དཔོན་དེ་གིས། དཔོན་པོ། ཁྱོད་ཀྱིས་ངའི་ཁྱིམ་ལ་འོང་འཇུག་པ་ལ་(འོང་འཇུག་ཅེས་ལ་)འོ་བརྒྱལ་བྱེད་མི་དགོས་མཁན། (སྡུག་པོ་བྱེད་མི་དགོས་མཁན།) ང་ཁྱོད་ལ་མི་གཤའ་མཁན་གྱི་མི་ཡིན་པ། ཡིན་ནས་རང་གི་བཀའ་གཅིག་རང་སྟེར་ན་ཡང་ངའི་གཡོག་པོ་དྲག་ཅེས་ནུག 9 ང་རང་ཡང་འགོ་པའི་དབང་འོག་ལ་སྡོད་ཀོ་ཡོད་པ། ངའི་དབང་འོག་ལ་ཡང་དམག་མི་ཡ་ཡོད་པ། གཅིག་ལ་སོང་སྨྲ་ན་ཁོ་འགྲོ་མཁན། ཤོག་སྨྲ་ན་ཁོ་འོང་མཁན། དེ་ནས་རང་གི་གཡོག་པོ་ལ་ཡང་འདི་ཅོག་འདྲ་བྱས་ཏེ་བྱོས་སྨྲ་ན་ཁོས་ཀྱིས་བྱེད་མཁན། སྨྲས་ཏེ། བརྒྱ་དཔོན་གྱིས། 10 འདི་སྐད་ཆ་ཐོས་ཏེ་ཡེ་ཤུ་ཧ་ལས་ཟིན། (ཧང་སང་ཟིན།) དེ་ནས་རང་མཉམ་པོ་འོང་མཁན་གྱི་མི་ཡ་ལ། ངས་ཀྱིས་ཁྱེད་ལ་བདེན་པར་སྨྲ་མཁན། འདི་ཙམ་ཆེན་མོའི་ཡིད་ཆེས་བྱེད་མཁན་གྱི་མི་ནི་ངས་ཀྱིས་ཡེས་ར་ཨལ་པ་ཡ་གི་དཀྱིལ་ལ་ཡང་(བར་དཀྱིལ་ལ་ཡང་)མཐོང་སྟེ་མེད། 11 ད་ལྟ་ངས་ཀྱིས་ཁྱེད་ལ་སྨྲ་མཁན། ཤར་དང་ནུབ་ལས་མི་མང་མོ་འོངས་ཏེ་ནམ་མཁའི་རྒྱལ་སྲིད་ལ་ཞུགས་ཏེ་ཨབ་ར་ཧམ། ཨི་སྰག་དང་ཡ་ཀོབ་མཉམ་པོ་བསྡད་དེ་མགྲོན་པོ་ཟ་ཅེས་ནུག 12 ཡིན་ནས་ཨལ་ལོ་ཧིམ་གྱི་རྒྱལ་སྲིད་ཀྱི་སྐོར་ལ་འདམས་པའི་ཡེས་ར་ཨལ་པ་ཡ་ནི་ཕྱི་ལ་ནག་ཁུང་ལ་དབྱུག་ཅེས་ནུག འོ་ལ་མི་ཡ་སོ་མུར་ཏེ་མུར་ཏེ་ངུ་སྒྲ་གཏིང་སྒྲ་བྱས་ཏེ་སྡོད་ཅེས་ནུག སྨྲས་ཏེ། ཡེ་ཤུས།།
13 དེ་ནས་ཚུར་ལ་ལོག་སྟེ་ཡེ་ཤུས་བརྒྱ་དཔོན་ལ། ད་ཁྱོད་སོང་། ཁྱོད་ཀྱིས་ཡིད་ཆེས་བྱས་པ་ཅོག་འདྲ་འོང་ཅེས་ནུག སྨྲས་ཏེ། འོའི་རྗེས་ལ་རང་བརྒྱ་དཔོན་གྱི་གཡོག་པོ་དྲག་ཟིན་ནུག་པ།།
ཡེ་ཤུས་ནད་པ་ཡ་ལ་དྲག་བཅུག་པ།
14 དེ་ནས་ཡེ་ཤུ་པེ་ཏྲོའི་ཁྱིམ་ལ་འོང་བ་དང་(འོང་མཁན་སྒང་ལ་)པེ་ཏྲོའི་སྒྱུག་མོ་ལ་ཚ་བ་སྐྱེས་ཏེ་ཉལ་ས་ལ་ཆུད་དེ་ཡོད་མཁན། 15 དེ་ནས་ཡེ་ཤུས་མོའི་ལག་པ་ལ་བཟུང་བཟུང་བ་ལ་(བཟུང་སྟེ་འགབ་ལས་)མོ་ལ་ཚ་བས་གཏོང་ཟིན། དེ་ནས་མོ་ལངས་ཏེ་ཁོང་ལ་མགྲོན་པོ་སྐྱོང་ཟིན།།
16 ནམ་སྲོས་ཅེས་བྱེད་པ་དང་(ནམ་སྲོས་ཅེས་བྱེད་མཁན་སྒང་ལ་)མི་ཡ་གིས་འདྲེ་ཞུགས་པའི་མི་མང་མོ་ཡེ་ཤུའི་རྩར་ལ་འཁྲིད་ཟིན། ཡེ་ཤུས་རང་གི་བསྟེར་བའི་བཀས་བྱས་ཏེ་རང་འདྲེ་ཡ་ལ་བཏོན་ཏེ་གཏོང་ཟིན། དེ་ནས་ནད་པ་གང་པོ་ལ་རང་དྲག་འཇུག་ཟིན། 17 འདི་ཅོག་འདྲ་བྱས་ཏེ་ཨལ་ལོ་ཧིམ་གྱི་སྐད་ཆ་ཤོད་མཁན་ཡེ་ཤ་ཡས་སྨྲས་བཞག་པའི་འདི་སྐད་ཆ་འགྲུབ་འོངས་པ་ཡིན་པ།
ཁོས་ཀྱིས་འོ་རང་གི་སྡུག་པོ་དང་ན་ཚ་ཡ་ལ་བླངས་ཏེ་རང་གིས་རང་འཁྱེར་ཟིན།།
སྨྲས་ཏེ་སྨྲས་བཞག་པ་ནུག་པ།།
ཡེ་ཤུས་ཉེ་གནས་ཡ་ལ་(སློབ་མ་ཡ་ལ་)ཁོག་པ་མཐོང་བ།
18 དེ་ནས་མི་བུངས་ཤིག་(མི་མི་མང་)རང་གི་རྩར་ཟུར་ལ་བཅིར་ཏེ་བཅིར་ཏེ་འོང་མཁན་མཐོང་སྟེ་ཡེ་ཤུས་རང་གི་ཉེ་གནས་ཡ་ལ། (སློབ་མ་ཡ་ལ།) འགྲོ། ད་ནི་འོ་རང་མཚོའི་ཕར་ཀན་ལྡེབས་ལ་འགྲོ་མཁན། སྨྲས་ཏེ། 19 འོའི་རྗེས་ལ་རང་བཀའ་ཁྲིམས་ཀྱི་དགེ་རྒན་གཅིག་འོངས་ཏེ་ཡེ་ཤུ་ལ། སློབ་དཔོན་ལགས། ཁྱོད་ག་ན་འགྲོ་ང་ཡང་ཁྱོད་མཉམ་པོ་འགྲོ་མཁན། སྨྲས་ཏེ། 20 དེ་ནས་ཡེ་ཤུས། ཝ་མོ་ཡ་དེ་སྡོད་པ་ལ་(སྡོད་ཅེས་ལ་)ཕུག་པ་ཡོད་པ། བྱ་བྱིའུ་ཡ་དེ་ཚང་ཡོད་པ། ཡིན་ནས་མིའི་བུ་དེ་ནི་མགོ་འཇོག་སའི་ས་ཆ་ཅི་ཡང་མེད། སྨྲས་ཏེ།།
21 དེ་ནས་རྗེས་འབྲང་(སློབ་མ་)གཞན་པ་གཅིག་གིས་ཀྱང་། དཔོན་པོ་ལགས། གདོང་ལ་(སྔོན་ལ་ ། དང་པོ་)ང་ལ་རང་གི་ཨ་ཕའི་རོ་བདོག་ལོང་སྟེར་ཏོང་། སྨྲས་ཏེ། 22 ཡིན་ནས་ཡེ་ཤུས། གཤིན་པོ་ཡ་ལ་ཤི་བའི་མི་ཡ་གིས་བདོག་ཆུག ཁྱོད་ནི་ངའི་རྗེས་འབྲངས་ཏེ་ཤོག སྨྲས་ཏེ།།
ཡེ་ཤུས་ལྷགས་པ་རླུང་བསེབ་ལ་ཙོག་གེ་སྡོད་སྨྲས་ཏེ་བཀའ་བསྟེར་བ།
23 དེ་ནས་ཡེ་ཤུ་གྲུ་ལ་ཞུགས་ཞུགས་པ་ལ་(ཞུགས་ཏེ་འགབ་ལས་)ཉེ་གནས་ཡ་ཡང་གྲུ་ལ་འཇུག་ཟིན། 24 གྲུ་ལ་འགྲོ་འགྲོ་བ་དང་(འགྲོ་འགྲོ་བ་སྒང་ལ་)ཏོག་ཙམ་ཞིག་ལ་རང་ལྷགས་པ་རླུང་བསེབ་འོངས་ཏེ་ཆུ་ཡ་ཕར་ཚུར་གཡོབས་ཏེ་ཆུ་གྲུའི་ནང་ལ་ཞུགས་ཏེ་ཁོང་ཐིམ་ཅེས་བྱེད་ཟིན། ཡིན་ནས་ཡེ་ཤུ་གཉིད་ལོག་སྟེ་ཡོད་མཁན། 25 དེ་ནས་ཉེ་གནས་ཡ་ཡེ་ཤུའི་འགྲམ་ལ་ཕྱིན་ཏེ་ཡེ་ཤུ་ལ་གཉིད་སད་བཅུག་སྟེ། དཔོན་པོ། ངེད་ལ་ཐར་འཇུག་དོང་། ངེད་ནི་འཆི་ཅེས་བྱེད་ཟིན། སྨྲས་ཏེ། 26 དེ་ནས་ཡེ་ཤུས་ཁོང་ལ། ཁྱེད་ཅི་ལས་འདི་ཅོག་འདྲ་བྱས་ཏེ་འཇིགས་མཁན། ག་རེ། ཁྱོད་ཀྱི་ཡིད་ཆེས། འདི་ཙམ་སྨྲས་ཏེ་ཡེ་ཤུ་ལངས་ཏེ་ལྷགས་པ་རླུང་བསེབ་ལ། ཙོག་གེ་སྡོད། སྨྲས་ཏེ་བཀའ་སྟེར་ཟིན། བཀའ་སྟེར་ལོང་མེད་པ་རང་ལྷགས་པ་རླུང་བསེབ་ཙོག་གེ་བསྡད་དེ་ཆུ་ཡང་སྙོམ་འགྲོ་ཟིན།
27 དེ་ནས་ཉེ་གནས་ཡ་ཧ་ལས་ཏེ། (ཧང་སངས་ཏེ།) འདི་ག་འདྲའི་མི་ནུག་པ། ལྷགས་པ་རླུང་བསེབ་དང་ཆུ་ཡིས་ཀྱང་ཁོས་ཀྱིས་སྨྲས་པའི་བཀའ་ལ་ཉན་གོ་ནུག སྨྲས་ཏེ། ཉེ་གནས་ཡ་གིས།།
མི་གཉིས་ལ་འདྲེ་མང་མོ་ཞུགས་པའི་སྐད་ཆ།
28 ཁོང་ཕར་ཀན་ལྡེབས་ཀྱི་གེ་ར་སྰ་སྨྲ་མཁན་གྱི་ཡུལ་ལ་སླེབ་མཁན་གྱི་དུས་ལ་འདྲེ་ཞུགས་པའི་མི་གཉིས་རོ་བདོག་མཁན་གྱི་ཕུག་པ་ཡ་ལས་ཐོན་ཏེ་ཡེ་ཤུ་ལ་ཐུག་ཟིན། ཁོང་གཉིས་ཀྱི་འཇིགས་པས་འོ་ལམ་ལས་སུ་ཡང་མི་འགྲོ་འོ་ཡོད་མཁན། 29 དེ་ནས་ཁོང་གཉིས་ཀྱིས་སྐད་བཏོན་ཏེ། རང་། ཨལ་ལོ་ཧིམ་གྱི་སྲས་པོ། ཁྱོད་ཀྱིས་ངེད་ལ་ཅི་བྱེད་ཅེས་སྨྲས་ཏེ་འོངས་པ། ཁྲིམས་ལྟ་མཁན་གྱི་ཉི་མ་དེ་མ་སླེབས་པའི་སྔོན་ལ་ངེད་ལ་སྡུག་པོ་སྟེར་བ་ལ་(སྡུག་པོ་སྟེར་ཅེས་ལ་)འོངས་པ་ཡིན་ནམ།།
30 འོའི་ཕར་ཙམ་ལ་ཕག་ཁྱུ་གཅིག་སོས་བསྡད་དེ་ཡོད་མཁན། 31 དེ་ནས། ངེད་ལ་ཕུད་རང་ཕུད་ན་(ངེད་ལ་ཕུད་རང་ཕུད་ཟིན་ན་)འོ་ཕག་ཁྱུའི་ནང་ལ་འཇུག་འཇུག་དོང་། སྨྲས་ཏེ་འོ་འདྲེ་ཡ་གིས་ཡེ་ཤུ་ལ་རེ་སྟེ། 32 དེ་ནས་ཡེ་ཤུས། སོང་འོ་ན། སྨྲས་ཏེ་སྨྲ་བ་དང་(སྨྲས་ཏེ་སྨྲ་མཁན་སྒང་ལ་)འོ་འདྲེ་ཡ་མི་གཉིས་ལས་ཐོན་ཏེ་ཕག་ཁྱུའི་ནང་ལ་ཞུགས་ཏེ། དེ་ནས་ཕག་ཁྱུ་བྲག་ལས་མར་ཤོར་ཏེ་མཚོ་ལ་ཐིམ་སྟེ་འཆི་ཟིན།།
33 ཕག་རྫི་ཡ་བྲོས་ཏེ་གྲོང་ཁྱེར་ལ་ཕྱིན་ཏེ་འདྲེ་ཞུགས་པའི་མི་གཉིས་ཀྱི་སྐད་ཆ་གང་པོ་ཤོད་ཟིན། 34 འདི་སྐད་ཆ་ཐོས་ལོང་མེད་པ་རང་ཡུལ་པ་ལངས་ཏེ་ཡེ་ཤུ་ལ་ཐུག་འོང་ཟིན། ཐུག་སྟེ་ཡུལ་པ་ཡ་གིས་ཡེ་ཤུ་ལ། འདི་ངེད་ཀྱི་ཡུལ་ལས་ཐོན་ཏེ་འགྲོ་དོང་། སྨྲས་ཏེ།། །།
