ལུགས་སྲོལ་ལ་རྩི་མཁན་གྱི་དོན་དག་ལ་སློབ་ཆུང་།
༡ དེ་ནས་རེ་འགའི་ཕ་རི་སི་དང་བཀའ་ཁྲིམས་ཀྱི་དགེ་རྒན་ཡ་རུ་ཤ་ལེམ་ལས་འོངས་ཏེ་ཡེ་ཤུ་ལ་འདྲི་ཟིན། ༢ ཁྱོད་ཀྱི་ཉེ་གནས་ཡ་གིས་དང་པོ་ཡིན་འཇུག་བརྩིས་ཏེ་འོངས་པའི་ལུགས་སྲོལ་ཡ་(པེ་ཁྲིམས་ཡ་)ཅི་ལས་མི་རྩི་མཁན། ལག་པ་ཡང་མ་བཀྲུས་པ་བྱས་ཏེ་ཟ་འོ་ནུ། སྨྲས་ཏེ་སྨྲ་ཟིན། (སྨྲས་ཏེ།) ༣ ཡེ་ཤུས་སྨྲ་ཟིན། དེ་ནས་ཁྱེད་ཀྱིས་ཅི་ལས་ཨལ་ལོ་ཧིམ་གྱིས་བསྟེར་བའི་བཀའ་ཁྲིམས་ཀྱི་བཀའ་ཡ་ལ་བགོམས་ཏེ་རང་གི་བཟོས་པའི་ལུགས་སྲོལ་ཡ་ལ་བརྩིས་སྡོད་མཁན། ༤ རང་གི་ཨ་ཕ་ཨ་མ་ལ་རྩིས་བྱེད་ཏོང་། དེ་ནས། རང་གི་ཨ་ཕ་ཨ་མ་ལ་ངན་འདེབས་མཁན་དེ་ལ་གསོད་དགོས་མཁན། སྨྲས་ཏེ་ཨལ་ལོ་ཧིམ་གྱིས་བསྐུལ་བ་(བཀའ་གནང་བ་)མིན་ནམ། ༥ ཁྱེད་ཀྱིས་ནི་འདི་ཅོག་འདྲ་སྨྲ་འོ་ནུ། རང་གི་ཨ་ཕ་ཨ་མ་ལ་སྟེར་དགོས་མཁན་གྱི་རྒྱུ་ངས་ཨལ་ལོ་ཧིམ་ལ་སྟེར་མཁན་སྨྲས་ཏེ་སྨྲ་མཁན་གྱི་མིས་རང་གི་ཨ་ཕ་ཨ་མ་ལ་གསོ་མི་དགོས་མཁན། སྨྲས་ཏེ་ཁྱེད་ཀྱིས་སྨྲ་འོ་ནུ། ༦ འདི་ཅོག་འདྲ་བྱས་ཏེ་ཁྱེད་ཀྱིས་རང་གི་བཟོས་པའི་ལུགས་སྲོལ་ཡ་ལ་རྩི་ཅེས་སྨྲས་ཏེ་ཨལ་ལོ་ཧིམ་གྱིས་བསྟེར་བའི་བཀའ་ཁྲིམས་ཀྱི་བཀའ་རྒྱབ་ལ་དབྱུགས་འཇོག་འོ་ནུ། ༧ ཨེ་ཡིན་མདོག་སྟོན་མཁན་ཡ། ཨི་སི་ཡས་ཨལ་ལོ་ཧིམ་ལས་མ་འོངས་པའི་རྐྱེན་གྱི་རིག་པ་འབྱོར་ཏེ་སྨྲས་པའི་འདི་སྐད་ཆ་ཁྱེད་མཉམ་པོ་གྲ་སྒྲིག་འགྲིག་འོ་ནུ།
༨ འདི་བརྒྱུད་པས་ང་ལ་ཁས་གཅིག་རང་རྩིས་བྱེད་ཀོ་ནུ།།
ཡིན་ནས་ཁོང་གི་སེམས་ང་ལས་ཐག་རིང་པོ་འཇིགས་པོ་ནུ།།
༩ ཁོང་གིས་ང་ལ་མཆོད་པ་ཕུལ་བ་དེ་དོན་མེད་སྐམ་པོ་ལ་རང་ཡིན་པ།།
ཁོང་གིས་མིས་བཟོས་པའི་ཁྲིམས་ཡ་གཅིག་རང་སློབ་ཀོ་ནུ། སྨྲས་ཏེ་ཨལ་ལོ་ཧིམ་གྱིས་སྨྲ་འོ་ནུ།།
སྨྲས་ཏེ་ཨི་སི་ཡས་སྨྲས་པའི་སྐད་ཆ་ཁྱེད་མཉམ་པོ་གྲ་སྒྲིག་འགྲིག་འོ་ནུ། སྨྲས་ཏེ་ཡེ་ཤུས་སྨྲ་ཟིན།།
མི་ལ་མི་གཙང་བ་བཟོ་མཁན་གྱི་སྐད་ཆ་ཡ།
༡༠ འོའི་འགབ་ལས་(འོའི་རྗེས་ལ་)ཡེ་ཤུས་མི་བུངས་ལ་(མི་མང་ལ་)སྐད་བརྒྱབ་སྟེ་སྨྲ་ཟིན། ད་ནི་ངས་སྨྲ་མཁན་གྱི་སྐད་ཆ་ཡག་པོ་བྱས་ཏེ་ཉན་ཏེ་ཧ་གོ་དོང་། ༡༡ ཁ་ལས་ཀྱིས་བྱས་ཏེ་གྲོད་པ་ལ་སླེབ་མཁན་དེ་གིས་མི་ལ་མི་གཙང་བ་བཟོ་མཁན་མིན་པ། མིའི་ཁས་སྨྲ་མཁན་གྱི་སྐད་ཆས་ག་ཁོ་ལ་མི་གཙང་བ་བཟོ་མཁན། སྨྲས་ཏེ་ཡེ་ཤུས་སྨྲ་ཟིན།།
༡༢ དེ་ནས་ཉེ་གནས་ཡ་ཡེ་ཤུའི་འགྲམ་ལ་འོངས་ཏེ། དགེ་རྒན་ལགས། ཁྱོད་ཀྱིས་སྨྲས་པའི་སྐད་ཆ་ཐོས་ཏེ་ཕ་རི་སི་ཡ་གིས་ཁྱོད་ལ་ཞེ་སྡང་བྱེད་ཀོ་ནུ་སྨྲས་ཏེ་ཁྱོད་ཀྱིས་མ་ཚོར་རམ། (ཁྱོད་ཀྱིས་སྨྲས་པའི་སྐད་ཆས་བྱས་ཏེ་ཕ་རི་སི་ཡ་གིས་ཞེ་སྡང་བྱེད་ཀོ་ནུ་སྨྲས་ཏེ་ཁྱོད་ཀྱིས་མ་ཚོར་རམ།) སྨྲས་ཏེ་འདྲི་ཟིན། ༡༣ ཡེ་ཤུས་སྨྲ་ཟིན། ནམ་མཁའ་ལ་སྡོད་མཁན་གྱི་ངའི་ཨ་ཕས་མ་བཙུགས་པའི་སྡོང་པོ་གང་པོ་རྩ་བ་ཡིན་འཇུག་རང་ཕུད་དེ་སྐྱུར་ཅེས་ཡོད། ༡༤ ཁོང་ལ་བྱུས་གཏོགས་མ་བྱེད། (ཁོང་ལ་བྱུས་གཏོགས་མ་སྟོན།) ཁོང་ནི་མིག་མི་མཐོང་མཁན་གྱི་མི་ཅོག་འདྲ་ཡིན་པ། མིག་མི་མཐོང་མཁན་གྱི་མིས་མིག་མི་མཐོང་མཁན་གྱི་མི་ལ་འཁྲིད་ན་གཉིས་ཀ་ཨི་ཁུང་ལ་(ཁུང་དོང་ལ་)འབོག་རྒྱབ་མཁན་ཨ་ལེ། སྨྲས་ཏེ་ཡེ་ཤུས་སྨྲ་ཟིན།
༡༥ པེ་ཏྲོས། ཁྱོད་ཀྱིས་དཔེ་བཞག་སྟེ་སྨྲས་པའི་སྐད་ཆ་ངེད་ལ་ཧ་གོ་འཇུག་དོང་། སྨྲས་ཏེ་ཞུ་ཟིན། ༡༦ ཡེ་ཤུས་སྨྲ་ཟིན། འདི་ཅོག་འདྲའི་སྐད་ཆ་ཞིག་ཀྱང་ཁྱེད་ཀྱིས་ངོ་མི་ཤེས་ནུ་འམ། ༡༧ མིས་ཁ་ལ་བླུག་མཁན་དེ་གྲོད་པ་ལ་སླེབ་མཁན། དེ་ནས་ཕྱི་ལ་ཐོན་ཏེ་འགྲོ་མཁན་སྨྲས་ཏེ་ཁྱེད་ཀྱིས་ཧ་མི་གོ་མཁན། ༡༨ ཡིན་ནས་མིའི་ཁ་ལས་འཐོན་མཁན་གྱི་སྐད་ཆ་ནི་སེམས་གཏིང་ལས་འོང་མཁན། འོ་སྐད་ཆས་ག་ཁོ་ལ་མི་གཙང་བ་བཟོ་མཁན། ༡༩ ཅི་ལས་སྨྲ་ན་ལས་ཀ་བཙོག་པ་ཡ་མིའི་སེམས་ལ་འཕྱངས་པ་འོང་མཁན། སེམས་བཙོག་པ་འཕྱང་མཁན་སོང་བས་ཁོས་མི་གསོད་མཁན། ལོག་གཡེམ་བྱེད་མཁན། འཕྱོན་མ་ཞིག་བྱེད་མཁན། རྐུན་མ་རྒྱབ་མཁན། དཔང་པོ་སྡོད་མཁན་གང་ལ་རྫུན་རྒྱབ་མཁན། འཁྱེར་རྒྱབ་མཁན། ཨལ་ལོ་ཧིམ་ལ་སྐུར་པ་འདེབས་མཁན། འདི་ལས་ཀ་ཡ་མིའི་སེམས་ལས་རང་འཐོན་མཁན། ༢༠ འདི་ལས་ཀ་ཡ་གིས་མི་ལ་མི་གཙང་བ་བཟོ་མཁན་ཡིན་པ། ལག་པ་མ་བཀྲུས་པ་བྱས་ཏེ་ཟ་མཁན་གྱི་མི་ནི་མི་གཙང་བ་མི་འགྲོ་མཁན། སྨྲས་ཏེ་ཡེ་ཤུས་སྨྲ་ཟིན།།
བརྒྱུད་པ་གཞན་པའི་བུད་མེད་གཅིག་གིས་མོས་པ་ཆེན་པོ་བྱས་པ།
༢༡ ཡེ་ཤུ་འོ་ས་ཆ་ལ་དབྱུགས་བཞག་སྟེ། ཡངས་པོའི་ས་ཆ་ལ་འགྲོ་ཅེས་སྨྲས་ཏེ་༼བརྒྱུད་པ་གཞན་པའི་ལུང་པ་ལ་ཕར་ཕྱོགས་པའི་༽ཚོར་དང་ཚི་དོན་ཡུལ་ཆེན་པོ་ཡ་གི་ས་གནས་ལ་འགྲོ་ཟིན། ༢༢ འོ་ས་ཆ་ལ་སྡོད་མཁན་གྱི་ཀ་ན་ཨན་གྱི་བུད་མེད་གཅིག་འོངས་ཏེ་འབོད་སྒྲ་བཏོན་ཏེ། དཔོན་པོ། ད་བིད་བརྒྱུད་པའི་སྲས་པོ། ང་ལ་སྙིང་རྗེ་བྱེད་ཏོང་། འདྲེས་ངའི་བུ་མོ་ལ་འཇིགས་པོ་རང་སྡུག་པོ་(འཇིགས་པོའི་སྡུག་པོ་)བསྟེར་ཏེ་ཡོད་པ། སྨྲས་ཏེ་སྨྲ་ཟིན། ༢༣ ཡིན་ནས་ཡེ་ཤུས་མོ་ལ་ཅི་ཡང་ལན་མ་བརྒྱབ། དེ་ནས་མོ་འབོད་སྒྲ་བཏོན་ཏེ་རྗེས་བསྙེགས་པ་སོང་བས་ཉེ་གནས་ཡ་གིས་ཡེ་ཤུ་ལ། འདི་བུད་མེད་ལ་སློག་གཏོང་དོང་། མོ་ནི་རྗེས་བསྙེགས་ཏེ་འཇིགས་པོར་སྐད་འདོན་གོ་ནུ། སྨྲས་ཏེ་ཞུ་ཟིན། ༢༤ ཡིན་ནས་ཡེ་ཤུས། ང་ལ་ནི་སྟོར་བའི་ལུག་ཅོག་འདྲ་ཕྱིན་པའི་ཡིས་ར་ཨལ་གྱི་མི་ཡ་ཞིག་རང་སྡུད་ཅེས་ལ་བཏང་བ་ཡིན་པ། སྨྲས་ཏེ་སྨྲ་ཟིན། ༢༥ འོ་བུད་མེད་ནི་ད་རུང་འགྲམ་ལ་འོངས་ཏེ་ཡེ་ཤུའི་མདུན་ལ་པུས་མོ་བཙུགས་ཏེ། དཔོན་པོ། ང་ལ་རོགས་རམ་བྱེད་ཏོང་། སྨྲས་ཏེ་ཞུ་ཟིན། ༢༦ ཡིན་ནས་ཡེ་ཤུས། བུ་ཚ་ཡ་གི་ལྟོ་ཁྱེར་ཏེ་ཁྱི་པོ་ཡ་ལ་སྟེར་མཁན་དེ་ཡག་པོ་མིན་པ། སྨྲས་ཏེ་སྨྲ་ཟིན། ༢༧ དེ་ནས་མོས། ཡིན་པ་དཔོན་པོ། འོ་ན་གྲ་སྒྲིག་ཡིན་པ། ཡིན་ནས་ཁྱི་པོ་ཡ་གིས་ཀྱང་རང་གི་བདག་པོའི་སྡེར་མ་ལས་འབོས་པ་དང་བརྡབས་པ་ཡ་(བརྡིབས་པ་ཡ་)ཟ་མཁན། སྨྲས་ཏེ་སྨྲ་ཟིན། ༢༨ འོ་ཙམ་ལ་ཡེ་ཤུས་སྨྲ་ཟིན། ཨེ་ཨ་ཆེ། ཁྱོད་ཀྱི་མོས་པ་ག་ཚོད་ཆེན་པོ་ནུ། ཁྱོད་ཀྱིས་སྨྲས་པ་ཅོག་འདྲ་དོན་དག་འགྲུབ་མཁན། སྨྲས་ཏེ་སྨྲ་ལོང་མེད་པ་མོའི་བུ་མོ་ལ་དྲག་ཟིན་ནུ་བ།།
ཡེ་ཤུས་མི་སྟོང་ཕྲག་བཞི་ལ་ཟ་ཅེས་བསྟེར་བ།
༢༩ ཡེ་ཤུ་འོ་ས་ཆ་ལ་དབྱུགས་བཞག་སྟེ་ག་ལིལ་སྨྲ་མཁན་གྱི་མཚོ་ལ་སླེབས་ཏེ་མཚོའི་ཟུར་ཟུར་ལ་བྱས་ཏེ་ཕྱིན་ཏེ་རི་ལ་འཛེགས་ཏེ་སྡོད་ཟིན། ༣༠ གཉིས་པར་(ཡོད་པར)མི་བུངས་ཡ་(མི་མང་ཡ་)བཅས་ཏེ་འོངས་ཏེ་ནད་པ་མང་པོ་ལ་ཁྱོང་སྟེ་འོང་ཟིན། རྐང་པ་ཤོར་བ། དབང་པོ་མ་ཚངས་པ། མིག་མི་མཐོང་མཁན། ཧན་ལྡང་དང་ན་ཚ་བརྒྱབ་པའི་མི་གཞན་དག མི་ཡ་གིས་འོ་ནད་པ་ཡ་ལ་ཡེ་ཤུའི་རྐང་པའི་འགྲམ་ཡ་ལ་འཇོག་ཟིན། དེ་ནས་ཡེ་ཤུས་ཁོང་ཡ་ལ་དྲག་འཇུག་ཟིན། ༣༡ ཧན་ལྡང་ཡ་སྐད་ཆ་སྨྲ་ཁུག་མཁན་འགྲོ་ཟིན། དབང་པོ་མ་ཚངས་པ་ཡ་ལ་དབང་པོ་འབྱོར་ཟིན། རྐང་པ་ཤོར་བ་ཡ་འགྲོ་ཁུག་མཁན་འགྲོ་ཟིན། མིག་མི་མཐོང་མཁན་ཡ་མིག་མཐོང་ཁུག་མཁན་འགྲོ་ཟིན། འདི་མཐོང་སྟེ་མི་ཡ་འཇིགས་པོར་ཧ་ལས་ཟིན། དེ་ནས་ཁོང་གིས་སྐད་ཆེན་པོ་ཞིག་བཏོན་ཏེ་ཡིས་ར་ཨལ་གྱི་བརྒྱུད་པ་ཡ་གི་ཨལ་ལོ་ཧིམ་ལ་བསྟོད་སྒྲ་འབུལ་ཟིན།།
༣༢ འོའི་འགབ་ལས་(འོའི་རྗེས་ལ་)ཡེ་ཤུས་རང་གི་ཉེ་གནས་ཡ་ལ་སྐད་བརྒྱབ་སྟེ་སྨྲ་ཟིན། འདི་མི་ཡ་མཐོང་སྟེ་ང་ལ་སྙིང་རྗེ་འོ་ནུ། ཁོང་ཉི་མ་གསུམ་ཡིན་འཇུག་ང་མཉམ་པོ་བསྡད་པ། ད་ནི་ཁོང་དེ་ལྟོ་ཆས་ཀྱང་རྫོགས་ཟིན་ནུ། ཁོང་ལ་ལྟོ་ཆས་ཅི་ཡང་མ་བསྟེར་བ་བྱས་ཏེ་སློག་གཏོང་ཅེས་མི་འོང་མཁན། མིན་ན་ཁོང་ལྟོགས་ཏེ་ལམ་ལ་རླུང་འགྲོ་འགྲོ། སྨྲས་ཏེ་སྨྲ་ཟིན། ༣༣ ཉེ་གནས་ཡ་གིས། ཀྱེ་མ། འོ་ཙམ་མང་བའི་མི་ལ་འདི་ཅི་ཡང་མེད་པའི་ས་ཆ་ལ་ག་ནས་ལྟོ་ཆས་ཡ་ཁྱོང་སྟེ་སྟེར་ཅེས། སྨྲས་ཏེ་སྨྲ་ཟིན། ༣༤ ཡེ་ཤུས། ཁྱེད་མཉམ་པོ་འཁུར་བ་ག་ཚོད་ཡོད་དམ། སྨྲས་ཏེ་འདྲི་ཟིན། དེ་ནས་ཁོང་གིས། ངེད་མཉམ་པོ་ནི་འཁུར་བ་བདུན་དང་ཉ་ཆད་མ་ཡ་སུད་པ་ཞིག་རང་ཡོད་པ། སྨྲས་ཏེ་སྨྲ་ཟིན།
༣༥ དེ་ནས་ཡེ་ཤུས་མི་ཡ་ལ་སྤང་ཁ་ལ་སྡོད་ཏོང་སྨྲས་ཏེ་སྐུལ་ཟིན། ༣༦ འོའི་འགབ་ལས(འོའི་རྗེས་ལ་)འོ་འཁུར་བ་བདུན་དང་ཉ་ཡ་བླངས་ཏེ་ཨལ་ལོ་ཧིམ་ལ་འུར་ཆེ་བསྟེར་ཏེ་འཁུར་བ་ཡ་ཧྲལ་ཏེ་ཉེ་གནས་ཡ་ལ་སྟེར་ཟིན། དེ་ནས་ཉེ་གནས་ཡ་གིས་མི་ཡ་ལ་རིམ་པ་བྱས་ཏེ་བགོས་ཏེ་སྟེར་ཟིན། ༣༧ མི་གང་པོས་འདང་མཁན་ཐུག་བཟས་ཏེ་ལས་ཉེ་གནས་ཡ་གིས་ལྷག་ཤུལ་ཡ་སྡུད་མཁན་གང་ལ་ནི་ཙེ་པོ་བདུན་གང་ཟིན། ༣༨ འོ་ལ་ཟ་མཁན་གྱི་མི་ནི་བུད་མེད་བུ་ཚ་དང་བུ་ཚ་ཡ་(བུད་མེད་དང་བུ་ཚ་ཡ་)མ་བགྲངས་པ་བྱས་ཏེ་སྐྱེས་པ་ཁྱོ་ག་དེ་རང་སྟོང་ཕྲག་བཞི་ཙམ་ཡོད་མཁན། ༣༩ འོའི་འགབ་ལས་(འོའི་རྗེས་ལ་)ཡེ་ཤུས་འོ་མི་ཡ་ལ་ཁང་པ་ལ་སློག་གཏོང་ཟིན། དེ་ནས་ཡེ་ཤུ་རང་དེ་གྲུ་གཅིག་ལ་ཞུགས་ཏེ་མག་ད་ལྰ་སྨྲ་མཁན་གྱི་ཡུལ་ཆེན་པོའི་ས་གནས་ལ་འགྲོ་ཟིན།། །།
