ཁྲུས་དབང་སྟེར་མཁན་གྱི་ཡུ་ཧ་ནན་ལ་བསད་པ།
༡ འོ་ཙམ་གང་ལ་ག་ལིལ་སྨྲ་མཁན་གྱི་ས་གནས་ལ་རྒྱལ་པོ་བྱེད་མཁན་གྱི་ཧེ་རོ་དྰེས་ཡེ་ཤུས་ལས་ཀ་ཡ་མཚན་ཡ་བྱས་པའི་དོན་དག་ལ་ཐོས་ཟིན། ༢ འདི་སྐད་ཆ་ཡ་ཐོས་ཏེ་ཧེ་རོ་དྰེས་རང་གི་ཞབས་ཕྱི་ཞུ་མཁན་གྱི་མི་ཡ་ལ་སྨྲ་ཟིན། འོ་མི་ནི་ཁྲུས་དབང་(ཁྲུས་གསོལ་)སྟེར་མཁན་གྱི་ཡུ་ཧ་ནན་རང་ཡིན་པ་ཚོད་ནུ། ཁོ་ཤི་སྟེ་ལས་(ཁོ་ཤི་བ་ལས་)གསོན་པོར་ལང་བཅུག་པ་ཡིན་པ་ཚོད་ནུ། འོ་སོང་བས་མི་རོགས་ལ་འོ་ཅོག་འདྲའི་ལས་ཀ་ཡ་མཚན་ཡ་བྱེད་མཁན་གྱི་དབང་ཐོབ་པ་ནུ་བ། སྨྲས་ཏེ་ཧེ་རོ་དྰེས་སྨྲ་ཟིན།།
༣-༤ སྔོན་ལ་(གདོང་ལ་)ཅི་ཕྱིན་པ་སྨྲ་ན། ཧེ་རོ་དྰེས་རང་གི་འོག་མ་(ནོ་)ཕི་ལིབ་ཀྱི་བུད་མེད་ཧེ་རོད་ཡྰ་ལ་འོམ་སྟེ་ཁྱེར་བ་སོང་བས་ཡུ་ཧ་ནན་གྱིས་ཁོ་ལ། རང་གི་འོག་མའི་བུད་མེད་འཇོག་མཁན་དེ་ངོ་ལོག་བྱས་པ་ཡིན་པ། སྨྲས་ཏེ་སྨྲས་པ། འོ་སོང་བས་ཧེ་རོ་དྰེས་ཡུ་ཧ་ནན་ལ་བཟུང་སྟེ་བཙོན་ཁང་ལ་བླུག་འཇུག་ཟིན། ༥ འོ་སྐད་ཆ་སྨྲས་པ་སོང་བས་ཧེ་རོ་དྰེས་ཡུ་ཧ་ནན་ལ་གསོད་ཅེས་ལ་སེམས་ཀྱང་བྱས་ཏེ་ཡོད་མཁན། (གསོད་ཅེས་ཚོལ་བ་ཡོད་མཁན།) ཡིན་ནས་མི་ཡ་གིས། ཡུ་ཧ་ནན་ཨལ་ལོ་ཧིམ་གྱི་སྐད་ཆ་ཤོད་མཁན་ཡིན་སྨྲས་ཏེ་རྩི་མཁན་སོང་བས་ཧེ་རོ་དྰེ་མི་ཡ་མཉམ་པོ་འཇིགས་ཏེ་ཡུ་ཧ་ནན་ལ་གསོད་མ་ཁུགས།།
༦ ཧེ་རོ་དྰེའི་སྐྱེས་སྐར་གྱི་ཉི་མ་ལ་ཧེ་རོད་ཡྰའི་བུ་མོ་དེ་མགྲོན་པོ་གང་པོའི་མདུན་ལ་ཚད་མེད་པ་ཡག་པོ་བྱས་ཏེ་འཆམ་ཟིན། འདི་མཐོང་སྟེ་ཧེ་རོ་དྰེ་འཇིགས་པོར་དགེ་བ་ལང་ཟིན། ༧ དེ་ནས་ཁོས་མནའ་བསྐྱེལ་ཏེ་ཧེ་རོད་ཡྰའི་བུ་མོ་ལ་སྨྲ་ཟིན། ཁྱོད་ཀྱིས་ཅི་སློང་སྨྲ་མཁན་དེ་ངས་སྟེར་མཁན། ༨ དེ་ནས་མོས་རང་གི་ཨ་མས་བསླབས་པ་ཅོག་འདྲ་བྱས་ཏེ་སྨྲ་ཟིན། ང་ལ་ད་ལྟ་ཁྲུས་དབང་སྟེར་མཁན་གྱི་ཡུ་ཧ་ནན་གྱི་མགོ་སྡེར་མ་ལ་བཞག་སྟེ་སྟེར་ཏོང་། སྨྲས་ཏེ་མོས་སྨྲ་ཟིན། ༩ འདི་ཅོག་འདྲ་བསླངས་པ་སོང་བས་ཧེ་རོ་དྰེའི་སེམས་ན་ཟིན། ཡིན་ནས། མགྲོན་པོ་ཡ་གི་མདུན་ལ་མནའ་བསྐྱེལ་བ་སོང་བས་བུ་མོས་བསླངས་པ་ཅོག་འདྲ་རང་བྱེད་དགོས་མཁན་སྨྲས་ཏེ་དམག་མི་གཅིག་ལ་སྐད་བརྒྱབ་སྟེ་སྐུལ་རྫོང་ཟིན། ༡༠ འོ་དམག་མིས་བཙོན་ཁང་ལ་ཡུ་ཧ་ནན་གྱི་མགོ་བཅད་དེ་ ༡༡ སྡེར་མ་ལ་བཞག་སྟེ་བུ་མོ་ལ་ཁྱོང་སྟེར་ཟིན། དེ་ནས་བུ་མོས་ཁྱེར་ཏེ་རང་གི་ཨ་མ་ལ་སྟེར་ཟིན།།
༡༢ འོའི་འགབ་ལས་(འོའི་རྗེས་ལ་)ཡུ་ཧ་ནན་གྱི་ཉེ་གནས་ཡ་འོངས་ཏེ་ཡུ་ཧ་ནན་གྱི་རོ་ཁྱེར་ཏེ་ཕུག་པ་ལ་བདོག་ཟིན། དེ་ནས་ཡེ་ཤུའི་རྩར་ལ་ཕྱིན་ཏེ་སྐད་ཆ་གང་པོ་ཤོད་ཟིན།།
ཡེ་ཤུས་མི་སྟོང་ཕྲག་ལྔ་ཙམ་ལ་ཟ་ཅེས་བསྟེར་བ།
༡༣ འདི་སྐད་ཆ་ཐོས་ཏེ་འགབ་ལས་ཡེ་ཤུ་མི་ཡ་གི་ནང་ལས་ཐོན་ཏེ་གྲུ་གཅིག་ལ་ཞུགས་ཏེ་ས་ཆ་ཡངས་པོ་ཞིག་ལ་འགྲོ་ཟིན། ཡིན་ནས་ཡེ་ཤུ་ཕྱིན་པ་དེ་ཚོར་ཟིན་པ་རང་(ཚོར་ཟིན་ཏེ་འགབ་ལས་)མི་ཡ་ཡུལ་ཡུལ་ལས་ཐོན་ཏེ་རྐང་པས་མཚོའི་ཟུར་ཟུར་ལ་བྱས་ཏེ་ཡེ་ཤུ་ལ་བཙོལ་ཏེ་འགྲོ་ཟིན། ༡༤ ཡེ་ཤུ་གྲུ་ལས་འབབ་མཁན་གང་ལ་མི་བུངས་(མི་མི་མང་ཡ་)མཚོའི་ཟུར་ལ་བསྒུགས་ཏེ་བསྡད་པ་མཐོང་ཟིན། འོ་མི་བུངས་ལ་མཐོང་སྟེ་ཡེ་ཤུའི་སེམས་ལ་སྙིང་རྗེ་སྐྱེ་ཟིན། དེ་ནས་ཡེ་ཤུས་འོ་ལ་ཡོད་མཁན་གྱི་ནད་པ་ཡ་ལ་དྲག་འཇུག་ཟིན།།
༡༥ ནད་པ་ཡ་ལ་དྲག་འཇུག་འཇུག་པ་གང་ལ་ནམ་སྲོད་ཅེས་བྱེད་ཟིན། དེ་ནས་ཉེ་གནས་ཡ་ཡེ་ཤུའི་རྩར་ལ་འོངས་ཏེ་སྨྲ་ཟིན། དགེ་རྒན། ད་ནི་ནམ་སྲོད་ཅེས་བྱེད་ཟིན། འདི་ལ་ནི་ཅི་ཡང་མི་འདུག ད་ནི་འདི་མི་ཡ་ལ་གློད་གཏོང་དོང་། ཁོང་རྩར་ཟུར་གྱི་ཡུལ་ཡ་ལ་ཕྱིན་ཏེ་ཟ་ཅེས་ཉོས་ཏེ་ཟ་འཇུག སྨྲས་ཏེ་ཉེ་གནས་ཡ་གིས་སྨྲ་ཟིན། ༡༦ ཡེ་ཤུས། ཁོང་འགྲོ་མི་དགོས་མཁན། ཁྱེད་ཀྱིས་ཁོང་ལ་ཟ་ཅེས་སྟེར་ཏོང་། སྨྲས་ཏེ་སྨྲ་ཟིན། ༡༧ ངེད་མཉམ་པོ་འཁུར་བ་ལྔ་དང་ཉ་གཉིས་ཤིག་རང་ཡོད་པ། སྨྲས་ཏེ་ཉེ་གནས་ཡ་གིས་སྨྲ་ཟིན། ༡༨ ཡེ་ཤུས། ག་རེ། ངའི་རྩར་ལ་ཁྱེར་ཤོག སྨྲས་ཏེ་སྨྲ་ཟིན།
༡༩ ཡེ་ཤུས་མི་ཡ་ལ་སྤང་རྩྭ་ལ་སྡོད་འཇུག་ཟིན། འོའི་འགབ་ལས་(འོའི་རྗེས་ལ་)འཁུར་བ་ལྔ་དང་ཉ་གཉིས་ལག་པ་ལ་བླངས་ཏེ་གནམ་ལ་ཡར་བལྟས་ཏེ་ཨལ་ལོ་ཧིམ་ལ་བསྟོད་སྒྲ་འབུལ་ཟིན། དེ་ནས་འཁུར་བ་ཧྲལ་ཏེ་ཉེ་གནས་ཡ་ལ་སྟེར་ཟིན། ཉེ་གནས་ཡ་གིས་ཁྱེར་ཏེ་མི་ཡ་ལ་བགོས་ཏེ་སྟེར་ཟིན། ༢༠ མི་ཁང་པོས་ཟ་ཁུག་མཁན་ཐུག་ཟ་ཟིན། ཟ་ཟིན་ཏེ་འགབ་ལས་ལྷག་ཤུལ་ཡ་སྡུད་མཁན་གང་ལ་ཙེ་པོ་བཅུ་གཉིས་གང་ཟིན། ༢༡ འོ་ལ་ཟ་མཁན་གྱི་མི་བུད་མེད་བུ་ཚ་དང་བུ་ཚ་ཡ་(བུད་མེད་དང་བུ་ཚ་ཡ་)མ་བགྲངས་པ་བྱས་ཏེ་སྐྱེས་པ་ཁྱོ་ག་གཅིག་རང་སྟོང་ཕྲག་ལྔ་ཙམ་ཡོད་མཁན།།
ཡེ་ཤུ་རྐང་པས་ཆུའི་ཁ་ལ་འོངས་པ།
༢༢ འདི་ལས་ཀ་བྱས་ཚར་ཏེ་འགབ་ལས་ཡེ་ཤུས་ཉེ་གནས་ཡ་ལ། ཁྱེད་གྲུ་ལ་ཞུགས་ཏེ་གདོང་ལ་ཕར་ལོག་སོང་། སྨྲས་ཏེ་སྨྲ་ཟིན། ཡེ་ཤུ་རང་དེ་མི་ཡ་ལ་སློག་གཏོང་ཅེས་ལ་སྡོད་ཟིན། ༢༣ མི་ཡ་ལ་སློག་གཏོང་འཚར་ཟིན་པ་རང་(འཚར་ཟིན་ཏེ་འགབ་ལས་)ཡེ་ཤུ་གཅིག་རང་རི་ལ་འཛེགས་ཏེ་ཨལ་ལོ་ཧིམ་ལ་གསོལ་བ་འདེབས་ཅེས་ལ་འགྲོ་ཟིན། གསོལ་བ་འདེབས་འདེབས་པ་གང་ལ་ནམ་སྲོད་ཟིན་ཟིན། འོ་ཙམ་ལ་ཡེ་ཤུ་གཅིག་རང་འོ་ལ་སྡོད་ཟིན།།
༢༤ འོ་དུས་ཚོད་ལ་ཉེ་གནས་ཡ་གྲུ་ལ་འཛེགས་ཏེ་མཚོའི་ཟུར་ལས་ཐག་རིང་པོ་འཇིགས་པོ་སླེབས་ཏེ་ཡོད་མཁན། ཡིན་ནས་ལྷགས་པ་རླུང་བསེབ་ཁོང་གི་མདུན་ངོས་ལས་(མདུན་ཕྱོགས་ལས་)འོངས་ཏེ་ཆུ་ཡ་གཡོབས་ཏེ་སྡུག་པོ་སྟེར་ཟིན། འོ་སོང་བས་ཁོང་ཕར་ཀན་ལ་སླེབ་མ་ཁུགས།།
༢༥ ནམ་ཐོ་རེངས་ཕྱིན་ཏེ་འགབ་ལས་ཡེ་ཤུ་རྐང་པས་ཆུའི་ཁ་ལ་ཕྱིན་ཏེ་ཁོང་ལ་ཐུག་འགྲོ་ཟིན། ༢༦ ཆུའི་ཁ་ལ་འགྲོ་མཁན་མཐོང་གོ་རང་ནི་(མཐོང་བས་)ཉེ་གནས་ཡ་འཇིགས་པོར་འཇིགས་ཟིན། ཀྱེ་མ། འདྲེ་ནུ། སྨྲས་ཏེ་ཁོང་འཇིགས་ཏེ་སྐད་འདོན་ཟིན། ༢༧ དེ་ནས་ལམ་སང་རང་ཡེ་ཤུས་སྨྲ་ཟིན། མ་འཇིགས། ང་རང་ཡིན། བློ་བདེ་མོ་བྱོས། ༢༨ འདི་ཐོས་ཏེ་པེ་ཏྲོས། གཙོ་བོ་རང་ཡིན་ན་ང་ལ་ཡང་ཆུའི་ཁ་ལ་ངོས་ཏེ་ཁྱོད་ཀྱི་རྩར་ལ་འོང་ཅེས་ལ་སྐུལ་དོང་། (བཀའ་གནང་དོང་།) སྨྲས་ཏེ་སྨྲ་ཟིན། ༢༩ ཡེ་ཤུས། ཤོག སྨྲས་ཏེ་སྨྲ་མཁན་གང་ལ་ནི་པེ་ཏྲོ་ཡང་གྲུ་ལས་བབས་ཏེ་ཆུའི་ཁ་ལ་ངོས་ཏེ་ཡེ་ཤུའི་རྩར་ལ་འགྲོ་ཅེས་འགོ་འཛུགས་ཟིན། ༣༠ འགྲོ་འགྲོ་བ་གང་ལ་ཁོས་ལྷགས་པ་རླུང་བསེབ་འོང་མཁན་མཐོང་ཟིན། ཁོ་འཇིགས་ཏེ་ནུབ་ཅེས་བྱེད་ཟིན། དེ་ནས་ཁོས། དཔོན་པོ་ང་ལ་ཐར་འཇུག་དོང་། སྨྲས་ཏེ་སྐད་འདོན་ལོང་མེད་པ་ ༣༡ ཡེ་ཤུས་ལག་པ་བཏང་སྟེ་ཁོ་ལ་འཛིན་ཟིན། དེ་ནས། ཀྱེ། ཁྱོད་ཀྱི་ཡིད་ཆེས། ཅི་ལས་སེམས་གཉིས་འཕྱང་མཁན། སྨྲས་ཏེ་སྨྲ་ཟིན། ༣༢ འོའི་འགབ་ལས་(འོའི་རྗེས་ལ་)ཡེ་ཤུ་པེ་ཏྲོ་མཉམ་པོ་གྲུ་ལ་འཇུག་ཟིན། དེ་ནས་ལྷགས་པ་རླུང་བསེབ་ཡང་ཙོག་གེ་སྡོད་ཟིན།
༣༣ འོ་ཙམ་ལ་གྲུ་ལ་ཡོད་མཁན་གྱི་ཉེ་གནས་ཡ་གིས་ཡེ་ཤུ་ལ་མོས་པ་བྱས་ཏེ། བདེན་པར་ཁྱོད་ནི་ཨལ་ལོ་ཧིམ་གྱི་སྲས་པོ་ཡིན་པ་ནུ་བ། སྨྲས་ཏེ་སྨྲ་ཟིན།།
གེ་ནེ་ས་རེད་སྨྲ་མཁན་གྱི་ས་ཆ་ལ་ནད་པ་མང་པོ་ལ་དྲག་བཅུག་པ།
༣༤ ཡེ་ཤུ་ཉེ་གནས་ཡ་མཉམ་པོ་མཚོ་བཅད་དེ་ཕར་ཀན་ལྡེབས་ཀྱི་གེ་ནེ་ས་རེད་སྨྲ་མཁན་གྱི་ས་ཆ་ལ་གྲུ་ལས་འབབ་ཟིན། ༣༥ འོ་ས་ཆའི་མི་ཡ་གིས་ཡེ་ཤུ་ལ་ངོ་ཤེས་ཟིན་པ་རང་(ངོ་ཤེས་ཟིན་ཏེ་འགབ་ལས་)རྩར་ཟུར་གྱི་ས་ཆ་ཡ་ལ་ལོན་གཏོང་ཟིན། (འོ་ས་ཆའི་མི་ཡ་གིས་ཡེ་ཤུ་ལ་ངོ་ཤེས་ཟིན། འོ་སོང་བས་རྩར་ཟུར་གྱི་ས་ཆ་ཡ་ལ་ལོན་གཏོང་ཟིན།) ལོན་སླེབས་ཏེ་འགབ་ལས་མི་ཡ་གིས་འོ་ཡ་ལ་ཡོད་མཁན་གྱི་ནད་པ་གང་པོ་ལ་ཡེ་ཤུའི་རྩར་ལ་འཁྱོང་ཟིན། ༣༦ དེ་ནས་ཡེ་ཤུ་ལ། འདི་ནད་པ་ཡ་ལ་ཁྱོད་ཀྱི་བཀབ་ཆའི་ཟུར་གཅིག་ལ་ཡོད་ན་ཡང་རེག་འཇུག་དོང་། སྨྲས་ཏེ་ཞུ་ཟིན། ཡེ་ཤུའི་བཀབ་ཆ་ལ་རེག་མཁན་ཡ་གང་པོ་ལ་དྲག་ཟིན།། །།
